Evropa chempionlar ligasi guruh bosqichi doirasida bo`lib o`tgan, “Roma” – “SSKA” uchrashuvi davomida ikki klub muxlislari o`rtasida to`qnashuv sodir bo`ldi. Uchrashuvda rimlik futbolchilar 5:1 hisobida g`alabaga erishdi.
ANSA agentligining xabar berishicha, ikki rossiyalik muxlis jarohatlandi va darhol shifoxonaga etkazildi. Ularga tibbiy yordam ko`rsatildi. Shifokorlarning so`zlariga ko`ra, jarohatlanganlarning birining qorniga pichoqdan zarba berilgan, ikkinchisining boshiga esa shisha idish bilan zarba berilgan. Hozirda ikki muxlisning ahvoli yaxshi ekanligi aytilmoqda.
ITAR-TASS agentligining yozishicha, ikki jamoa muxlislari o`rtasida to`qnashuv uchrashuvdan oldin boshlangan. Polisiya xodimlari ikki klub muxlislarini ajrata olishdi.
