Incheon shahrida Osiyo olimpiya kengashining 33-Bosh Assambleyasi o`tkazildi. Unda O`zbekiston Milliy olimpiya qo`mitasi prezidenti Mirabror Usmanovga Osiyo olimpiya kengashining eng oliy mukofoti topshirildi.
Assambleyada Xalqaro olimpiya qo`mitasi (XOQ) prezidenti Tomas Bax, Osiyo olimpiya kengashi (OOK) rahbari Shayx Ahmad Al-Fahad Ac Saboh, shuningdek, Osiyo olimpiya kengashiga a`zo mamlakatlar milliy olimpiya qo`mitalari prezidentlari ishtirok etishdi.
Marosim davomida dunyoda Olimpiya xarakati, olimpizm g`oyalarini eng faol targ`ib etish xarakatlarida eng faol ishtirok etayotganlarga Osiyo olimpiya qo`mitasining eng oliy mukofotlari topshirildi. Bu haqda O`zbekiston Milliy Olimpiya qo`mitasi matbuot xizmati xabar beradi.
“O`zbekiston milliy olimpiya qo`mitasi Osiyoda olimpiya xarakatini eng faol qo`llab-quvvatlayotgan MOQ sifatida e`tirof etildi. Osiyo olimpiya kengashining oliy mukofotini Xalqaro olimpiya qo`mitasi prezidenti Tomas Bax hamda Osiyo olimpiya kengashi rahbari Ahmad Ac-Fahad Al Saboh O`zbekiston Milliy olimpiya qo`mitasi prezidenti Mirabror Usmanovga tantanali sur`atda topshirdilar”-deyiladi xabarda.
