24 sentyabr Janubiy Koreyaning Incheon shahrida davom etayotgan XVII yozgi Osiyo o`yinlarida sovrindorlar safidan o`rin egallagan sportchilar orasidan uch nafar hamyurtimiz ham joy oldi. Bu haqda O`zbekiston Milliy Olimpiya qo`mitasi matbuot xizmati xabar beradi.
Sport gimnastikasi bo`yicha tayanib sakrash musobaqalarining hal qiluvchi final bahsida 14.750 ball jamg`argan Oksana Chusovitina delegasiyamiz hisobiga kumush medalni keltirdi.
Osiyo o`yinlarining yana bir kumush medalga esa konda bajariladigan mashqlarda Abdulla Azimov 14.866 ball jamg`arib sazovor bo`ldi.
Musobaqalarda delegasiyamiz hisobiga ettinchi bronza medalini og`ir atletikachimiz Ulug`bek Alimov (-85 kg) keltirdi.
24 sentyabr kungi musobaqalarning yakunlariga ko`ra delegasiyamiz hisobidagi medallar soni 10 taga etdi (3 ta kumush va 7 ta bronza) va hozirda hamyurtlarimiz umumjamoa hisobida 17-o`rinda borishmoqda. Jadvalni esa Xitoy delegasiyasi vakillari (59 ta oltin – 32 ta kumush – 27 ta bronza) boshqarib borishmoqda.
