Rossiya prezidenti matbuot kotibi Dmitriy Peskov Rossiya, Turkiya va Eron prezidentlarining sammitiga tayyorgarlik ko`rilayotganini ma`lum qildi. Bu haqda RIA "Novosti" xabar bermoqda.
Peskovning so`zlariga ko`ra, uch tomonlama sammit Tehronda o`tkazilishi mumkin.
"Barcha diplomatik aloqalarni ishga solgan holda, sammitga jiddiy tayyorgarlik ko`rilayapti. Natijalar haqida axborot beramiz", – degan Peskov.
Shuningdek, avvalroq Peskov sammitda Vladimir Putin va Rajab Toyyib Erdo`g`onning yakama-yakka uchrashuvi haqida ham ma`lum qilgan edi.
