Joriy yilning 27-28 sentyabr kunlari Prezident Shavkat Mirziyoev Tojikistonga boradi. Bu haqda O`zbekiston Respublikasi Prezidenti Matbuot kotibi Komil Allamjonov ma`lum qilmoqda.
Tashrifning birinchi kuni qator ikki tomonlama tadbirlarda qatnashadi. 28 sentyabr kuni O`zbekiston Prezidenti Dushanbe shahrida MDH Davlat rahbarlari kengashi majlisida ishtirok etadi. Tor va keng doiralarda muzokaralar o`tkazilishi, qator hujjatlar imzolanishi rejalashtirilgan.
