O`zbekiston Respublikasi tashqi ishlar vaziri Abdulaziz Komilov 2018 yilning 27 sentyabr kuni Dushanbe shahrida bo`lib o`tadigan Mustaqil Davlatlar Hamdo`stligi Tashqi ishlar vazirlari kengashining navbatdagi majlisida ishtirok etadi.
Tashqi ishlar vazirligi axborot xizmati xabar berishicha, tadbirda tashqi siyosat idoralari rahbarlarining MDH ishtirokchi davlatlar rahbarlari bo`lajak majlisi kun tartibini muhokama qilishi, shuningdek xalqaro va mintaqaviy dolzarb masalalar yuzasidan fikr almashishi rejalashtirilgan.
