25 sentyabr kuni Toshkent viloyatida birdaniga ikki tuman — Bekobod va Parkent hokimi lavozimidan ozod etildi.
Bu haqda Turon24 viloyat hokimligidagi manbasiga tayanib xabar bermoqda.
“Bekobod tumani hokimi Otabek Ubaydullaevich Isroilovning ishdan olinishi paxta yig`im-terimiga sustkashlik bilan yondashgani, ayrim hollarda qo`shib yozish holatlarining mavjudligi kabi sabablar bilan bog`lanmoqda. Viloyat hokimi G`ulom Ibragimov kecha bo`lib o`tgan yig`ilishda ushbu tuman hokimi faoliyatini tanqid qilgan.
Qibray tumani hokimi Ne`mat Isroilovich Muhammedov Parkent tumani hokimi lavozimiga tayinlandi. Avvalroq, u tanqid bilan ishdan olingan edi.
Parkent tumani hokimi vazifasidan bo`shatilgan Ne`matjon Ozodovich Abdullaev esa Bekobod tumani hokimi lavozimiga tayinlandi”, deyiladi xabarda.
