Birlashgan Arab Amirliklarining Dubay shahrida dunyodagi eng qimmat oyoq kiyimlar ko`rgazmaga qo`yildi, deb xabar berdi RIA novosti nashri.
Brilliantlar va oltin bilan bezalgan, ayollar poyabzalining narxi 17 mln dollar. Ushbu tufli ikkita brilliant hamda 236 ta mayda qimmatbaho toshlar bilan bezatilgan. Burj Al Arab mehmonxonasida tashkil etilgan ko`rgazmada, shuningdek brilliant, yoqut, oltin va marvarid qo`llangan zargarlik poyafzallari to`plamini ko`rish mumkin. Bu erga oyoq kiyimlarni xarid qilish istagida bo`lgan ko`plab mijozlar tashrif buyurdi.
