Joriy yilning 19-20 oktyabr kunlari Qoraqalpog`iston Respublikasi Mo`ynoq tumanida Madaniyat vazirligi tomonidan tashkil etilayotgan “Orol va Mo`ynoqning qayta tiklanishi” mavzusida Xalqaro Ekofestival doirasida “Orol baliqlaridan 99 tur taomlar” Gastronomik Festivali bo`lib o`tadi.
Bu haqda O`zbekiston Respublikasi Madaniyat vazirligi matbuot xizmati xabar berdi.
Ilk bora ushbu festival 2017 yil o`tkazilgan edi, unda «Ko`ksuv ko`li» bo`yida baliqchilar tutgan baliqlardan, 99 xil taom turining o`rniga 112 xil taom turi tayrlangandi. Taomlarni tayyorlagan 71 nafar viloyatlardan tashrif buyurgan va mahalliy oshpazimiz barcha tashrif buyurganlarga tortiq qilgan edi.