Janubiy Koreya delegasiyasi bilan uchrashuv bo`lib o`tdi

2014 yilning 22 oktyabr kuni O`zbekiston Respublikasi Tashqi ishlar vazirligida yurtimizga tashrif buyurgan Koreya Respublikasi Tashqi ishlar vazirligining xorijdagi koreyslar ishlari va konsullik masalalari bo`yicha elchi Li Jon Gvan boshchiligidagi delegasiya bilan uchrashuv bo`lib o`tdi. Bu haqida TIV xabar beradi.

Suhbat chog`ida O`zbekiston-Koreya Respublikasi munosabatlarining dolzarb masalalari hamda shu yilning iyun oyida Toshkent shaxrida bo`lib o`tgan oliy darajadagi uchrashuv va muzokaralar natijasida erishilgan muhim kelishuvlarni amalga oshirish jarayoni muhokama qilindi.

Uchrashuvda madaniy-gumanitar sohadagi o`zaro aloqalarni kengaytirish istiqbollariga alohida e`tibor qaratildi.

 Suhbatda Koreya Respublikasi Elchisi Li Uk Xon ishtirok etdi.