Haydovchilik guvohnomalarni almashtirishda talab qilinadigan tartiblarga o`zgartish kiritildi.
Hukumat qarori bilan milliy haydovchilik guvohnomasini berish tartibi to`g`risidagi qonunchilikka qo`shimcha kiritildi. Bu haqida “Huquqiy axborot” kanali ma`lum qildi.
Nizomga kiritilgan qo`shimchalarga muvofiq, guvohnomalarni almashtirishda quyidagilarni talab qilish taqiqlandi:
• haydovchining imtihon varaqasi;
• milliy guvohnomani bergan YHXB tasdiqnomasi;
• tibbiy ma`lumotnoma;
• transport vositasini 12 oy boshqarganligini tasdiqlovchi hujjat.
Ya`ni, 2020 yil 31 dekabrgacha milliy haydovchilik guvohnomalarini yangi guvohnomalarga almashtirish uchun pasport va eski namunadagi haydovchilik guvohnomasi hamda uning talonigina taqdim etiladi.
