Silvestr Stallone “Rembo 5”ning suratga olish jarayonlarida qattiq jarohat oldi, deya xabar qildi Kinonews.ru nashri.
Ammo shunga qaramay, biroz vaqtdan so`ng Stallone yana sportzalga qaytgan.
“Bilasizmi, hayot xuddi filmga o`xshaydi. Siz xuddi o`zingizning to`liq metrajli loyihangizda suratga tushayotgandeksiz. Agar siz bosh rolni ijro etmoqchi bo`lsangiz, o`rningizdan turib, olg`a intilishingiz kerak. Tez orada ko`rishguncha! Hozircha esa mashg`ulotlardan qolmang”, deydi Stallone instagram sahifasida.
“Rembo”ning beshinchi qismida Jon Rembo AQShga qaytadi. Lekin veteranning nafaqaga chiqishiga erta. Meksika chegarasida notinchlik, bu erda meksikalik narkokartellar xo`jayinlik qilishadi va kunlardan bir kuni yoshgina qiz bedarak yo`qoladi. Jon Rembo vaziyatni o`zi o`rganib qolgan uslubda qo`lga olishiga to`g`ri keladi.
Film 2019 yilning kuz oylarida katta ekranlarga chiqarilishi kutilmoqda.
