Сильвестр Сталлоне “Рэмбо 5”нинг суратга олиш жараёнларида қаттиқ жароҳат олди, дея хабар қилди Кinonews.ru нашри.
Аммо шунга қарамай, бироз вақтдан сўнг Сталлоне яна спортзалга қайтган.
“Биласизми, ҳаёт худди фильмга ўхшайди. Сиз худди ўзингизнинг тўлиқ метражли лойиҳангизда суратга тушаётгандексиз. Агар сиз бош ролни ижро этмоқчи бўлсангиз, ўрнингиздан туриб, олға интилишингиз керак. Тез орада кўришгунча! Ҳозирча эса машғулотлардан қолманг”, дейди Сталлоне инстаграм саҳифасида.
“Рэмбо”нинг бешинчи қисмида Жон Рэмбо АҚШга қайтади. Лекин ветераннинг нафақага чиқишига эрта. Мексика чегарасида нотинчлик, бу ерда мексикалик наркокартеллар хўжайинлик қилишади ва кунлардан бир куни ёшгина қиз бедарак йўқолади. Жон Рэмбо вазиятни ўзи ўрганиб қолган услубда қўлга олишига тўғри келади.
Фильм 2019 йилнинг куз ойларида катта экранларга чиқарилиши кутилмоқда.
