“Urganch aeroporti” chegara bojxona posti xodimlari tomonidan navbatdagi bojxona qonunbuzilishi holatiga o`z vaqtida chek qo`yildi. Bu haqda Davlat bojxona qo`mitasi matbuot xizmati xabar berdi.
“Sankt-Peterburg–Urganch” yo`nalishi bilan uchib kelgan fuqaro S.M.ning belgilangan tartibda xolislar ishtirokida bojxona nazoratidan o`tkazildi. Natijada, ushbu shaxs kiyimlari ichiga yo`lovchi bojxona deklarasiyasida ko`rsatilmagan va bojxona xodimining og`zaki so`rovida ma`lum qilinmagan vazni qariyb 134 grammni tashkil etuvchi kumushdan ishlangan zargarlik buyumlari yashirilgani fosh qilindi.
Hozirda yuqoridagi holatlar yuzasidan bojxona tekshiruvlari davom ettirilmoqda.
