Oliy Majlis Senati yalpi majlisida uchta konvensiya va bitta bitimni ratifikasiya qilishga oid masalalar ko`rib chiqildi.
Jumladan, “Xalqaro mehnat tashkilotining sanoat va savdoda mehnat inspeksiyasi to`g`risidagi 81-sonli Konvensiyasini (Jeneva, 1947 yil 11 iyul) ratifikasiya qilish haqida”;
“Xalqaro mehnat tashkilotining qishloq xo`jaligida mehnat inspeksiyasi to`g`risidagi 129-sonli Konvensiyasini (Jeneva, 1969 yil 25 iyun) ratifikasiya qilish haqida”;
“Fuqarolik, oilaviy va jinoiy ishlar bo`yicha huquqiy yordam va huquqiy munosabatlar to`g`risidagi Konvensiyaga (Kishinev, 2002 yil 7 oktyabr) O`zbekiston Respublikasining qo`shilishi haqida”;
“Xalqaro uzumchilik va vinochilik tashkilotini ta`sis etish to`g`risidagi Bitimni (Parij, 2001 yil 3 aprel) ratifikasiya qilish haqida”gi O`zbekiston Respublikasi qonunlari ma`qullandi.