— Qo`shnimning uyjoyini sotib olgandim. Biroq qo`shnim notarial tartibda oldisotdi shart nomasini keyinroq rasmiylashtirib berishini aytib, pulni to`liq olgani haqida tilxat yozib bergan. Ammo hozir qo`shnim chet eldan qaytib kelmayapti. Notariusga borsam, sotuvchini olib kelishimni aytyapti. Endi nima qilishim kerak?
T. Usarov, Tayloq tumani
Bekzod XUDAYBERGANOV, Fuqarolik ishlari bo`yicha Samarqand viloyat sudining sudyasi:
— Amaldagi Fuqarolik kodeksi talablariga ko`ra, agar taraflardan biri notarial tasdiqlash talab qilinadigan bitimni to`la yoki qisman bajargan bo`lsa, ikkinchi taraf esa bitimni notarial rasmiylashtirishdan bosh tortsa, sud bitimni bajargan tarafning talabi bo`yicha uni haqiqiy, deb hisoblashga haqli. Shu sababli siz fuqarolik sudiga da`vo arizasi bilan murojaat qilishingiz kerak.
Sadoqat ALLABERGANOVA