“Koreys ma`naviy madaniyatining poytaxti” sifatida tanilgan Janubiy Koreyaning Andon shahrida 27 sentyabrdan 6 oktyabrgacha “Masks of women, and women in masks” deb nomlangan festival bo`lib o`tdi.
Andon shahri yirik sayyohlik va madaniy markaz sifatida tanilgan bo`lib, u erda ko`plab qadimiy an`analar saqlanib qolingan. Milliy koreya niqoblari sayyohlar orasida mashhur hisoblanadi. Festivalda o`n uchta davlatdan yigirma sakkizta ishtirokchi qatnashdi.
Festivalda O`zbekiston davlat filarmoniyasi tasarrufidagi “Navro`z” ashula va raqs ansambli ham qatnashib, faxrli birinchi o`rinni egallab, ikkita oltin va bitta bronza medal bilan qaytishdi.
