“Корейс маънавий маданиятининг пойтахти” сифатида танилган Жанубий Кореянинг Андон шаҳрида 27 сентябрдан 6 октябргача “Masks of women, and women in masks” деб номланган фестивал бўлиб ўтди.
Андон шаҳри йирик сайёҳлик ва маданий марказ сифатида танилган бўлиб, у ерда кўплаб қадимий анъаналар сақланиб қолинган. Миллий корея ниқоблари сайёҳлар орасида машҳур ҳисобланади. Фестивалда ўн учта давлатдан йигирма саккизта иштирокчи қатнашди.
Фестивалда Ўзбекистон давлат филармонияси тасарруфидаги “Наврўз” ашула ва рақс ансамбли ҳам қатнашиб, фахрли биринчи ўринни эгаллаб, иккита олтин ва битта бронза медал билан қайтишди.
