Bugun «Bunyodkor» futbol akademiyasining mashg`ulot maydonlarida «Bosh vazir kubogi»ning futbol musobaqalariga start berildi.
Ushbu musobaqa Jismoniy tarbiya va sport vazirligi tashabbusi bilan vazirliklar, idoralar, xo`jalik birlashmalari, yirik korxona va tashkilotlarning markaziy apparati xodimlari o`rtasida tashkil etildi. Unda erkaklar futbol, ayollar voleybol bo`yicha «Bosh vazir kubogi» uchun bellashmoqda.
O`yinlarni mamlakatimizning malakali hakamlari boshqarib borishmoqda. Musobaqaning ilk kunidayoq bir qator kutilmagan natijalar qayd etildi. Ayniqsa, bu kabi turnirlarda ko`p bora g`alaba qozonishgan O`zbekiston milliy teleradiokompaniyasi jamoasining «O`zbekiston temir yo`llari» AJ xodimlariga yirik – 0:8 hisobida yutqazib qo`yishi ko`pchilik uchun haqiqiy «syurpriz» bo`ldi. Shuningdek, «Xalq banki» jamoasi ham Xalq ta`limi vazirligi xodimlariga haqiqiy master-klass o`tib berishdi, desak mubolag`a bo`lmaydi.
Respublika veterinariya va chorvachilikni rivojlantirish qo`mitasi jamoasi esa «O`zbekinvest»ga qarshi o`yinda matonat ko`rsatdi. Ya`ni 0:2 hisobi bilan ortda qolayotgan veterinarlar jamoasi o`yinda tub burilish yasadi, ya`ni «kambek» qayd etildi va tanaffusdan keyin raqiblari darvozasini to`rt marta ishg`ol qilib, o`yinni o`z foydalariga hal qilishdi.
«Bosh vazir kubogi» musobaqasining ilk kunida qayd etilgan natijalar:
Futbol bo`yicha «Bosh vazir kubogi-2019» musobaqasi
19 oktyabr, shanba. 1/32 final
Davlat Soliq qo`mitasi – Davlat geologiya va mineral resurslar qo`mitasi – 5:0
«Sharq» nashriyoti – Olmaliq Kon-metallurgiya kombinati – 0:6
O`zbekiston Yoshlar ittifoqi – O`zLiDeP Markaziy Kengashi – 8:1
AT «Xalq banki» – Xalq ta`limi vazirligi – 9:0
Qishloq qurilish invest – O`zkimyosanoat – 5:0
Investisiya va tashqi savdo vazirligi – Davlat Bojxona qo`mitasi -:+
Moliya vazirligi – Oliy sud – 0:1
«O`zbekiston temir yo`llari» – O`zbekiston MTRK – 8:0
Axborot texnologiyalari va kommunikasiyalarni rivojlantirish vazirligi – Farmasevtika tarmoqlarini rivojlantirish agentligi – 1:1 (penaltilar seriyasi – 6:5)
Toshshahartransxizmat – Issiqlik elektr stansiyalari – 6:1
Respublikasi veterinariya va chorvachilikni rivojlantirish qo`mitasi – «O`zbekinvest» – 4:2
O`rmon xo`jaligi – Oliy attestasiya komissiyasi -:+
«Vatanparvar» tashkiloti MK – Adliya vazirligi – 0:2
Tovar xom-ashyo birjasi – O`zAtom (Atom energiyasini rivojlantirish agentligi) – 3:1
«Kafolat» sug`urta kompaniyasi – «O`zbekneftegaz» – 1:0
Energetika vazirligi – Respublika ma`naviyat va ma`rifat markazi – 2:2 (pen. – 3:5)
«Bosh vazir kubogi»ning 1/32 final bosqichidan o`rin olgan qolgan uchrashuvlar ertaga o`tkaziladi. Musobaqaning yarim final va final o`yinlari mamlakatimizning bosh arenasi – «Milliy» stadionda tashkil etiladi.
Jismoniy tarbiya va sport vazirligi
Matbuot xizmati
