Ba`zi davlat organlarining faoliyati takomillashtirilishi munosabati bilan O`zbekiston Respublikasining ayrim qonun hujjatlariga o`zgartish va qo`shimchalar kiritish to`g`risidagi Qonun qabul qilindi.
Mazkur Qonunga asosan ba`zi davlat organlarining faoliyati takomillashtirilishi munosabati bilan 20 ga yaqin qonun hujjatlariga o`zgartish va qo`shimchalar kiritildi.
Xususan, Soliq kodeksiga tadbirkorlik sub`ektlarining huquqlarini himoya qilish bo`yicha vakil tadbirkorlar manfaatlarini ko`zlab ma`muriy sudga berilgan ariza (shikoyat) yuzasidan davlat boji to`lashdan ozod qilinishiga oid norma kiritildi.
Shuningdek, “Prokuratura to`g`risida”gi Qonunga o`zgartirish kiritilib, prokuratura organlari xodimlariga ijodiy faoliyat bilan shug`ullanishga ruxsat etilishi hamda 20 yildan ortiq ish stajiga ega bo`lgan xodimlarga 15 kalendar kun qo`shimcha ta`til berilishi belgilandi.
Hujjatning rasmiy to`liq matni bilan bu erda tanishishngiz mumkin.
