17-18 yanvar kunlari Milliy san`at galereyasi ''Hande Made in Uzbekistan'' an`anaviy san`at festivali ishtrokchilari, san`at ixlosmandlari va poytaxtimiz mehmonlariga o`z eshiklarini ochdi. Ikki kun davom etgan mazkur festivalda yurtimizning barcha viloyatlaridan tashrif buyurgan 150dan ortiq hunarmand ustalar o`z maxsulotlarini halqimizga namoyish etdilar, deya xabar qiladi popcorn.uz.
Yigirmadan ziyod xalq hunarmandligi yo`nalishlarida taqdim etilgan ijod namunalarining har biri betakror va ekslyuziv mahsulotlar bo`lib, hunarmandlar o`z ishlarini ko`rgazmaga qo`yish barobarida ularni sotish imkoniga ega bo`ldilar. Kashtachilik, gilamchilik, yog`och o`ymakorligi, zargarlik, adras to`qish, miniatyura san`ati ustalari tomonidan qo`l mehnati bilan yaratilgan noyob mahsulotlarni tomosha qilgan ko`rgazma mehmonlari qo`li gul hunarmandlar bilan yaqindan tanishib, ularning ijod jarayoniga guvox bo`lishdi.
Festivalda nafaqat hunarmandlar, balki turli viloyatlardan tashrif buyurgan folklor guruxlar hamda kug`irchok teatrlari jamoalari o`z tomoshalari bilan barchaga bayramona kayfiyat ulashishdi.
Xorazm kugirchok teatri raxbari Mansur Kuryazov:
- Men bu festival tashkilotchilaridan benixoyat minnatdorman. Xar bir loyixada men uchun muximi chin dildan yondoshish. Rejissyor sifatida xar bir spektakl yurakdan tayyorlanganmi yoki yuk, buni sezaman. Bugungi kurgazmadagi xar bir ashyolar, kul mexnati ishlarida ustalarning kalbi parchasi jo etilgan. Tashkilotchilar esa jon dili bilan ishlashmokda, men buning guvoximan.
Festivalning ikkinchi kuni davom etarkan, ommaviy axborot vositalari xodimlari uchun matbuot anjumani o`tkazildi. Unda festival tashkilotchilari hamda ko`rgazmada ishtirok etgan ustalar matbuot hodimlari tomonidan berilgan savollarga javob yo`lladilar. ''HandeMade.uz'' festivali doirasida farfor ustasi Rustam Yakubovning shahsiy ko`rgazmasi taqdimoti o`tkazildi. Matbuot anjumanidan so`ng ko`rgazma ishtrokchilari bo`lgan dizaynerlarning milliy liboslar ko`rgazmasi bo`lib o`tdi. Qolaversa, festival g`oliblari turli yo`nalish buyicha diplom va esdalik sovg`alari bilan taqdirlandilar. Sovrindorlarni taniqli estrada yulduzlari mukofotlab, o`z qo`shiqlari bilan kechaga fayz kiritishdi.
An`analarni tiklashdagi hizmatlari uchun nurotalik kashtachi Turaqulova Ruhsoroy.
An`analarni ijodiy talqini uchun yog`och o`ymakori Valiev Qahramon.
O`ziga hos g`oyalarni qo`llagani uchun “batik” usulida matoga gul bosish ustasi Puchkovskiy Vladimir.
An`anaviy san`atga innovasiyani kiritganligi uchun Olga Kochubey.
An`analarni saqlash va rivojlantirish uchun kulolchilik san`ati bo`yicha Narzullaevlar oilasi.
Zamonaviy dizaynda milliy an`analarni ifoda etgani uchun Asomova Mahbuba.
An`analarni zamonaviy talqinda targ`ibot etganligi uchun kqo`g`irchoq ustasi Mansur Kuryazov.
E`zoz an`anaviy san`atda ko`p yillik ijodiy faoliyati uchun Mirzahmedova Muborak.
Qadimgi milliyligimizni yangi talqini uchun rishtonlik usta Nazirov Bahtiyor.
An`anaviy miniatyuraning zamonaviy talqini uchun Hodjimatov Bahodir.
Yuqorida qayd etilgan yo`nalishlarda taqdirlangan hunarmandlarni muborakbod etgan taniqli san`atkorlar Rashid Holiqov, Shahzoda, Lola, Nilufar, Hosila Rahimova ishtrokida gala konsert bo`lib o`tdi.
''HandeMade.uz'' Milliy san`at festivali ta`assurotlari hali uzoq vaqt hotiralarda saqlanib qoladi. Ilk bor o`tkazilgan bu katta loyiha tez orada bizni yana o`z bag`riga chorlaydi. San`atimizga o`z hissasini qo`shayotgan har bir ijod turi vakillariga muvaffaqiyatlar tilab qolamiz.
