YouTube videoxosting saytida foydalanuvchilardan biri tomonidan e`lon qilingan videoda haydovchi YPX xodimi bilan tortishayotgani aks etgan. Ushbu holat tezkor o`rganilib, Toshkent shahar IIBB tomonidan aniqlik kiritildi.
Keltirilishicha, haydovchi inspektorga hujjatlarni taqdim etishdan bosh tortib, buni qonun bo`yicha “majbur emasligi” bilan oqlab, “qoidabuzarlikni ko`z bilan ko`rgan holda qayd etishga haqqingiz yo`q, videoyozuvni talab qilaman” deya, ma`muriy huquqbuzarlik to`g`risidagi bayonnomaga qo`l qo`ymasligini bildirgan va shuningdek YPX inspektori xizmatni bodikamera bilan olib borishi lozim deb ta`kidlagan. Videoda haydovchining har bir e`tiroziga inspektor qonunan to`g`ri javob berdi, ammo haydovchi javoblardan qoniqmagan. Haydovchi kalitni o`t oldirgich qulfiga tiqayotib, bo`lg`usi tomoshabinlariga inspektor unga nisbatan hech narsa rasmiylashtirmaganini ma`lum qilgan joyda videoyozuv yakunlandi.
“Ushbu fakt bo`yicha shuni ma`lum qilamizki, ushbu holat 12-noyabr kuni soat taxminan 16.30 da Yangi Yunusobod chorrahasida ro`y bergan. YHXB YPX inspektori harakatlanib kelayotgan Epica rusumli avtomobil (davlat raqami 01 R 177 SA) haydovchisi boshqaruv davomida telefondan gaplashayotganini ko`radi. Shu munosabat bilan inspektor haydovchiga to`xtash haqida ishora berib, qoidabuzarlik haqida ma`lum qilib, ma`muriy javobgarlik to`g`risida bayonnoma tuzish uchun hujjat talab qilgan. Avtomobil haydovchisi – 26 yoshli Sardorbek M. hujjatlarni chiqargan, ammo inspektorga berishdan bosh tortib, yuqoridagi e`tirozlarini bildirgan. Amaldagi qonunchilikka ko`ra, haydovchi har bir qayd etgan bandi bo`yicha nohaq edi. Xususan, qonunning quyidagi bandlarini ko`rib chiqamiz.
Yangi Yunusobod chorrahasida yuzaga kelgan holatga qaytib, shuni ma`lum qilamizki, inspektorning hujjatlarni taqdim etish haqidagi talabini rad qilish, ichki ishlar organlari xodimining qonuniy talablarini bajarmaslik deb baholanadi. Ko`rsatmaga binoan, ikki nafar xolislar ishtirokida ushbu fakt bo`yicha O`zbekiston Respublikasi Ma`muriy javobgarlik to`g`risidagi kodeksining 194-moddasiga muvofiq bayonnoma rasmiylashtirildi. Bu holatda haydovchiga nisbatan qanday chora ko`rilishini sud hal qiladi. Shuningdek, O`zbekiston Respublikasi Ma`muriy javobgarlik to`g`risidagi kodeksining 291-moddasiga (“a” bandi) ko`ra, bu kabi holatlarda haydovchining avtomobili jarima maydonchasiga joylashtiriladi, shuning uchun avtomobil joylashgan manzilga evakuator chaqirildi.
Shunday qilib, qoidabuzarning videoyozuvdagi choradan qo`tilib qolgani haqidagi xabari haqiqatdan yiroqdir. Bugungi kunda video muallif tomonidan namoyish uchun cheklangan, yoki o`chirilgan – ilgarigi havolalar orqali uni ko`rish imkoni yo`q.
Hurmatli Internet tarmog`i foydalanuvchilari! Ko`rib chiqadigan kontentga tanqidiy yondashishingizni so`raymiz. Xabar muallifi har doim ham rostgo`y bo`lmasligi va sizni aldashi mumkinligi yodingizda bo`lsin. Shuningdek haydovchilarga murojaat qilmoqchimiz: qonunchilik bilan qisman tanishlingingiz sizni dono qilib qo`yadi deb o`ylab yo`llarda tortishuv chiqarmang. Hamma narsani bilmasligingiz mumkinligini unutmang.
Har holda tortishuvlar muammoni hal qilmaydi va sizni etuk, tarbiyali inson sifatida ko`rsatmaydi. Agar inspektorning biror gapiga qo`shilmasangiz, unga ortiqcha hissiyotlarsiz savol bering – u albatta sizga javob beradi. Agar shunda ham holatdan norozi bo`lsangiz, tegishli tarzda to`g`ridan-to`g`ri inspektorning rahbariyatiga yoki IIBBga yozma ariza bilan murojaat qiling – masala ko`rib chiqiladi”, — deyilgan IIBB ma`lumotida.
24.01.2023, 10:05
Namanganda ayol YPX avtomobilida tug`uruqxonaga olib ketilayotganida farzandini dunyoga keltirdi. Bu haqda YHXX matbuot xizmati xabar bermoqda. Ma`lum qilinishicha, 4P-112 Farg`ona xalqa avtomobil yo`lining 20 kilometrida...07.07.2021, 15:34
Namanganda YPX xodimining faoliyatiga xalaqit berib, qarshilik ko`rsatgan uch nafar fuqaroga sud tomonidan jazo tayinlandi, deb xabar beradi IIV YHXBB axborot xizmati. 5 iyul kuni ijtimoiy...01.06.2021, 17:42
Joriy yilning 08 may kuni Rishton tumani IIB YHXG inspektori M.E. tomonidan fuqaro I.M.ga nisbatan “VAZ-2102” rusumli avtomobilni hujjatlarsiz boshqarganligi bo`yicha ma`muriy bayonnoma tuzilib, avtomobil...08.05.2021, 21:20
Joriy yilning 2 may kuni soat 09:30larda, Namangan viloyati Uchqurg`on tumani hududida joylashgan dehqon bozori oldida xizmat olib borayotgan IIB YHXB inspektori mayor G`.Ibragimov tomonidan...