Sirdaryoda adliya vaziri Ruslanbek Davletov boshchiligida Respublika ishchi guruhi tadbirkorlik sub`ektlari bilan sayyor uchrashuv o`tkazilmoqda. Bu haqda vazirlikning Jamoatchilik bilan aloqalar bo`limi ma`lum qildi
Sayyor qabulda Guliston shahri ( Guliston, Yangier, Shirin shaharlari, Boyovut, Xovos) hamda Sirdaryo (Sirdaryo, Sayxunobod, Sardoba, Oqoltin, Mirzaobod) tumanida tashkil etilgan sayyor qabullarda 600 nafardan ziyod tadbirkorlar ishtirok etdi.
Ushbu tadbirlar “Adliya tadkbirkorga do`st” loyihasi doirasida tashkil etilib, davlatmiz rahbarining “Tadbirkorlik faoliyatini qo`llab-quvvatlash va himoya qilish tizimini tubdan takomillashtirish chora-tadbirlari to`g`risida”gi Farmonida belgilangan vazifalar ijrosiga qaratildi. Shu bilan birga, tadbirkorlarning muammolari joyida o`rganilib, hal etilishiga ko`maklashishga e`tibor berildi.
Bo`lib o`tgan uchrashuvlarda biznes vakilaridan 150 ga yaqin murojaatlar qabul qilindi. Murojaatlarning aksariyati er hamda imtiyozli kredit ajratish, buzilgan bino va inshootlari uchun kompensasiya mablag`larini undirish masalasida bo`ldi. Ularning 70 foizi tegishli tashkilotlar bilan birga joyida ko`rib chiqildi va hal etildi. Hal etilishi muddati belgilangan murojaatlarnazoratga olindi. Ishtirokchilarning 5 foiziga huquqiy
tushuntirishlar berildi.
Sayyor qabulda o`z oilaviy korxonasiga ega bo`lgan tadbirkor Hafiza Rahimova ham ishtirok etdi.
Uning so`zlariga quloq tutamiz:
Men Guliston tumani Ishonch MFYda qolipli non ishlab chiqarish oilaviy korxonasini ochgan edim. Elektrtarmoqlari korxonasi tomonidan tez-tez ogohlantirishsiz o`chirishlar tufayli zararga kirib ketdi. Bu birinchi masala, ikkinchi masala hamisha o`z vaqtida soliq to`laganimga qaramasdan, tuman davlat soliq idorasi tomonidan doim bankdagi hisob raqamimni muzlatib qo`yishadi. Nega bunday bo`ldi, tushuntiringlar desam, ko`pol gapiradi, tushuntirmaydi, - deya arz qildi Hafiza Rahimova. - Rosti, keyingi vaqtda oilaviy korxonamni yopib tashldasammikan, deya o`ylab qoldim.
Bo`lib o`tayotgan uchrashuv davomida Hafiza Rahimovaning birinchi muammosi viloyat, tuman elektrtarmoqlari bilan muhokama qilindi. Ogohlantirishsiz korxonani elektrtarmog`idan uzib qo`yishgani uchun sudga ariza bilan murojaat qilishini, bunda aybdor tomonidan keltirilgan zararni undirish mumkinligi tushuntirildi.
Hafiza opaning ikkinchi muammosi viloyat hamda tuman davlat soliq idoralari rahbarlari bilan muhokama qilinib, agarda tadbirkorning qarzi bo`lsa, tushuntirish, qaerda xatoga yo`l qo`yayotganligini ko`rsatish, qarzi mavjud bo`lmasayu arzimagan sabab bilan yuqoridagi holat takrorlanayotgan bo`lsa, tadbirkorning faoliyatiga to`siq qo`yish hisoblanib, soliq idorasi xodimiga nisbatan jazo choralarini qo`llash lozimligi tushuntirildi.
Ushbu tadbirda sayxunobodlik tadbirkor Dilfuza Ortiqova ham qatnashib, uni qiynayotgan masalalar bo`yicha murojaat qildi. Uning so`zlariga ko`ra, xususiy klinikasiga tibbiyot uskunalari olib kirish uchun bankdan 130 ming dollar 9 foizli kredit so`ragan. Bank tarafidan asossiz rad etilganidan norozi bo`lib murojaat kildi. Hindistondan investisiya olib kirish uchun memorandum imzolangan, investor tomonidan shartnoma shartlari bajarilganu, ammo bank pand bermoqda, deydi sayyor qabulda. Bu borada ishchi guruhi mavjud holatni o`rganib, tegishli tashkilotlarga uni hal etish yuzasindan ko`rsatmalar berishdi.
Xovos tumanidan kelgan yosh tadbirkor Jasurbek Bayzoqov o`z mablag`lari hisobidan zamonaviy minifutbol maydonchasi qurgan, ammo oxirigacha bitkazish va jihozlash uchun imtiyozli kredit zarur. Imtiyozli kredit olish masalasida muammoga duch kelgan. U o`z loyihasini "Obod qishloq" Davlat dasturiga kiritishlarini istaydi.
Shu bilan birga Jasurbek undan nohaq, boshqa hududlarga qaraganda 2,5 barobar ko`p soliqqa tortishayotganlaridan norozi.
Ushbu muammo shu erda o`rganilib, viloyat davlat soliq boshqarmasiga hal etishga qaratilgan vazifalar belgilandi.
- Imtiyozli kredit bo`yicha viloyat hokimining birinchi o`rinbosari Anvar Yuldashev yordam beradigan bo`ldi, hokimiyat tomonidan garov kafolatlanadigan bo`ldi, - deya, xursand Jasurbek Bayzoqov.
18.09.2021, 10:34
Joriy yilning 17 sentyabr kuni O`zbekiston Respublikasi adliya vaziri R. Davletov hamda Shveysariyaning O`zbekistondagi elchisi K. Obolenskiy bilan uchrashdi.Uchrashuv avvalida adliya vaziri Shveysariya elchisini vazirlik tizimi, vazifalari...31.10.2019, 14:22
Adliya vaziri Ruslanbek Davletov rahbarligida Respublika ishchi guruhi sayyor qabuli tashkil etildi. Unda bir qancha tadbirkorlik sub`ektlari amaliy yordam so`rab murojaat qildi.Xususan, “Exim Serlen Hoque...