O`tkir yuqumli kasallik hioblanuvchi qizamiq dunyoning barcha mintaqalarida tarqalmoqda. 5-dekabr kuni Jahon Sog`liqni Saqlash Tashkiloti (JSST)xabar berishicha, 2018-yilda qariyb 10 million odam qizamiqni yuqtirgan bo`lib, ulardan 140 ming nafari vafot etgan. Achinarlisi shundaki, qurbonlarning ko`pchiligini bu kasallika qarshi emlanmagan 5 yoshdan kichik bolalar tashkil qiladi. Bu haqda tarjimon.uz ma`lumot bermoqda.
«Har qanday bolaning qizamiq kabi emlash orqali oldini olsa bo`ladigan kasallikdan o`lishi - bu dunyo bolalarini himoya qila olmaslikdir», dedi JSST bosh direktori Tedros Adhanom Gebreysus.
2019-yildagi holat esa yanada yomonroq. Shu yilning noyabrigacha bo`lgan davrda qizamiq o`tgan yilning shu davriga nisbatan uch baravar ko`paygan.Bu yil AQShda qizamiq bilan kasallanish bo`yicha so`nggi 25 yil ichida eng yuqori ko`rsatkich qayd etildi.Evropaning to`rt mamlakati – Albaniya, Chexiya, Gresiya va Angliya, 2018-yilda «qizamiqdan holi hudud» holatini yo`qotgan bo`lib, bu davlatlarda ham kasallik avj olgan.
Jahon miqyosida qizamiqqa qarshi emlash ko`rsatkichlari deyarli o`n yillardan beri turg`un bo`lib kelmoqda, deya xabar bermoqda JSST. Bu va YuNISEF bolalar jamg`armasining ta`kidlashicha, 2018-yilda dunyodagi bolalarning taxminan 86 foizi qizamiqqa qarshi birinchi emlashni qabul qilgan bo`lsa, ularning 70 foizdan kamrog`i ikkinchi marta emlangan.
Oktyabr oyida nashr etilgan tadqiqotlar shuni ko`rsatdiki, qizamiq infeksiyasi nafaqat o`lim yoki jiddiy asoratlar, jumladan pnevmoniya, miya shikastlanishi, ko`rlik va karlikni keltirib chiqarishi mumkin, balki insonning immunitetiga bir necha oy yoki yillar davomida zarar etkazishi mumkin.
