Qirg`izistondan O`zbekistonga chorva mollari va kartoshka etkazib berish boshlandi. Bu haqda “Kabar” xabar berdi.
Xabarda aytilishicha Qirg`izistonning O`zbekistondagi elchixonasi hamkorligidagi kelishuvga asosan respublikamizga yirik va mayda shoxli chorva mollari etkazib berilishi boshlangan. Umumiy summasi 1,2 mln AQSh dollari bo`lgan chorva mollari “Dostuk-avtodorojny” nazorat-o`tkazish punkti orqali etkazib berilmoqda.
Bundan tashqari, kelishuvga asosan O`zbekistonga umumiy summasi 1 mln AQSh dollariga teng bo`lgan kartoshka etkazib berish ham yo`lga qo`yildi. Ma`lumotlarga ko`ra yaqin kunlarda olma eksporti ham boshlanadi.
