Buyuk Britaniyaning Kent grafligida istiqomat qiluvchi Lorilar oilasida oxirgi 205 yil davomida ilk marta qiz chaqaloq dunyoga kelgan. Bu haqda kun.uz nashri The Daily Mail ma`lumotlari asosida xabar berdi.
Xabarda aniqlik kiritilishicha, bu qizaloq 2014 yilning oktyabr oyida tug`ilgan, ammo uning oilasidagilar bu voqeani maxfiy saqlab kelishgan.
Yosh ota-onaning ma`lum qilishicha, bu noxush an`ana buzilishiga juftlikning bir-biriga mos kelgani evaziga erishilgan.
Ma`lumot uchun, Lorilar sulolasining besh avlodida qiz farzand tug`ilmagan. Bu oilada oxirgi marta qizaloq tug`ilganida, 1809 yilda Angliyada hali Georg III qirollik qilar, Evropada esa Napoleon Bonapart imperiyasi gullab-yashnayotgan edi.
Bu oilada sun`iy ravishda qiz farzand tug`ilishi uchun o`tgan asrning 60-yillarida amerikalik shifokor Laundrum Shettls boshchiligidagi mutaxassislar “Shettls metodi” vositasida ish olib borishgan, lekin natijaga erishilmagan edi.
