Буюк Британиянинг Кент графлигида истиқомат қилувчи Лорилар оиласида охирги 205 йил давомида илк марта қиз чақалоқ дунёга келган. Бу ҳақда kun.uz нашри The Daily Mail маълумотлари асосида хабар берди.
Хабарда аниқлик киритилишича, бу қизалоқ 2014 йилнинг октябрь ойида туғилган, аммо унинг оиласидагилар бу воқеани махфий сақлаб келишган.
Ёш ота-онанинг маълум қилишича, бу нохуш анъана бузилишига жуфтликнинг бир-бирига мос келгани эвазига эришилган.
Маълумот учун, Лорилар сулоласининг беш авлодида қиз фарзанд туғилмаган. Бу оилада охирги марта қизалоқ туғилганида, 1809 йилда Англияда ҳали Георг III қироллик қилар, Европада эса Наполеон Бонапарт империяси гуллаб-яшнаётган эди.
Бу оилада сунъий равишда қиз фарзанд туғилиши учун ўтган асрнинг 60-йилларида америкалик шифокор Лаундрум Шеттлс бошчилигидаги мутахассислар “Шеттлс методи” воситасида иш олиб боришган, лекин натижага эришилмаган эди.
