Hozirda Qoraqalpoq Davlat universitetida ta`mirlash ishlari davom etmoqda. Universitetni rivojlantirish uchun 10,3 milliard so`mdan ziyod mablag` sarflanadi.
Mablag` O`zbekiston Respublikasi Moliya vazirligi huzuridagi Oliy ta`lim muassasalarining moddiy-texnika bazasini rivojlantirish jamg`armasi tomonidan ajratiladi.
Universitetning asosiy o`quv binosi, talabalar turar joylari qayta ta`mirlanishi, auditoriyalar, Madaniyat saroyi va oshxona butunlay ta`mirlanishi kutilmoqda. Shuningdek, yaqinda qurib bitkazilgan ikki qavatli binoda Orolbo`yi biologik masalalarini o`rganish uchun zamonaviy muassasalararo ilmiy-tadqiqot laboratoriyasi tashkil etiladi. Tez orada unga zarur asbob-uskunalar keltiriladi.
Universitet binosining ta`mirlash ishlari 2016 yilda yakunlanadi. Bu haqda uz24.uz xabar bermoqda.