Vazirlar Mahkamasi tomonidan “O`zbekinvest” eksport-import milliy sug`urta kompaniyasining faoliyatini yanada takomillashtirish chora-tadbirlari to`g`risida”gi qaror qabul qilindi.
Qaror asosida mazkur tuzilma “O`zbekinvest” eksport-import sug`urta kompaniyasi” aksiyadorlik jamiyati etib qayta tashkil etildi.
Endi u eksportni sug`urta bilan qo`llab-quvvatlash bo`yicha kompleks xizmatlar ko`rsatadi. Shu jumladan, xaridorning krediti, qisqa muddatli debitorlik qarzi, etkazib beruvchining krediti, eksportchining aylanma mablag`larini to`ldirish uchun berilgan kredit, qolaversa, eksportni sug`urta bilan qo`llab-quvvatlashning boshqa instrumentlarini taqdim etish bilan shug`ullanadi.
Eslatib o`tamiz, O`zbekistonning eksport hajmi hamda xorijiy va mahalliy sarmoyadorlar kiritayotgan sarmoyalar ko`paymoqda. Bu esa, tabiiyki, sug`urta himoyasi mexanizmlarini takomillashtirishni talab etyapti.