Poytaxtimizda og`ir atletika bo`yicha davom etayotgan VI Xalqaro birdamlik o`yinlarining erkaklar o`rtasidagi 81 kilogrammgacha vazn toifasida Namangan viloyati vakili Muhammadqodir Toshtemirov uchta oltin medalga sazovor bo`ldi.
Muhammadqodir dast ko`tarishda 160 kilogramm, siltab ko`tarishda 181 kilogramm, ikkikurash hisobiga ko`ra 341 kilogramm natija bilan oltin medallarni terma jamoamizga taqdim etdi.
Bundan tashqari, -89 kg vaznda ishtirok etuvchi sportchilar tosh ko`tarishga kirishishdi. Ushbu vaznda yurtimiz sharafini 19 yoshli Sarvarbek Zafarjonov munosib himoya qilib, dast ko`tarishda 160 kg, siltab ko`tarishda 182 kglik toshni o`ziga buysundirdi va raqiblariga hech qanday imkoniyat qoldirmadi.
