Evropa Chempionlar Ligasi kubogi kelasi hafta Toshkentga olib kelinadi, dey xabar bermoqda «Daryo» manbasi.
Ta`kidlanishicha, Chempionlar Ligasi kubogi kelasi hafta poytaxtimizga olib kelinadi. Bunday voqea Markaziy Osiyo hududida ilk bor sodir bo`lmoqda. Chempionlar Ligasi bosh sovrini kamdan kam hollarda UEFAga a`zo bo`lmagan davlatlarga olib boriladi. Ma`lumot uchun, O`zbekiston UEFAga emas, balki OFKga a`zo davlat hisoblanadi.
Aytilishicha ushbu sovrin bilan suratga tushish imkoniyati yaratiladi. Rasmiy tadbir manzili va vaqti tez orada e`lon qilinadi.
Ma`lumot uchun:, Chempionlar Ligasining amaldagi g`olibi Angliyaning «Liverpul» klubi hisoblanadi. Ular 2018/19 yilgi mavsum finalida «Tottenhem»ni 2:0 hisobida mag`lub etgandi.
