Европа Чемпионлар Лигаси кубоги келаси ҳафта Тошкентга олиб келинади, дей хабар бермоқда «Дарё» манбаси.
Таъкидланишича, Чемпионлар Лигаси кубоги келаси ҳафта пойтахтимизга олиб келинади. Бундай воқеа Марказий Осиё ҳудудида илк бор содир бўлмоқда. Чемпионлар Лигаси бош соврини камдан кам ҳолларда УЕФАга аъзо бўлмаган давлатларга олиб борилади. Маълумот учун, Ўзбекистон УЕФАга эмас, балки ОФКга аъзо давлат ҳисобланади.
Айтилишича ушбу соврин билан суратга тушиш имконияти яратилади. Расмий тадбир манзили ва вақти тез орада эълон қилинади.
Маълумот учун:, Чемпионлар Лигасининг амалдаги ғолиби Англиянинг «Ливерпуль» клуби ҳисобланади. Улар 2018/19 йилги мавсум финалида «Тоттенҳэм»ни 2:0 ҳисобида мағлуб этганди.
