Kataloniyaning “Barselona” klubi sardori Lionel Messiga “Laureus World Sports Awards” mukofoti topshirildi. Shuningdek, ushbu unvonga Messi bilan bir qatorda “Formula-1” musobaqalarida bir necha bora chempion bo`lib kelayotgan Lyuis Xemilton ham loyiq ko`rilgan. Bu haqda O`zA xabar berdi.
Mazkur mukofotga ikkala sportchidan tashqari tennischi Rafael Nadal, golf ustasi Tayger Vuds, marafon bo`yicha mashhur rekord sohibi Eliud Kipchoge va motopoygachi Mark Markes nomzod sifatida ko`rsatilgan edi.
Bugunga qadar mazkur sovrinni birorta ham futbolchi qo`lga kiritmagan edi. Lionel Messi ushbu mukofotni futbolchilar o`rtasida birinchi bo`lib oldi.