Kitob 1981 yilda nashr etilgan bo`lib, unda 2020 yilda butun dunyo bo`ylab tarqaladigan koronavirus haqida yozilgan ekan. Bu haqda planetanovosti.com yozmoqda.
Mutaxassislar “Zulmat ko`zlari“ nomli kitobga tegishli maqolani nashr etishdi. Unda Xitoyda biologik qurol sifatida ishlaydigan virusni yaratish bilan shug`ullangan harbiy laboratoriya haqida hikoya qilinadi.
Ushbu hikoya muallifi Din Kuns asarida o`g`lini qidirib harbiy bazalardan birida topib olgan Kristin Evans haqida yozadi. Qahramonning o`g`li Denni laboratoriyada yaratilgan sun`iy mikroorganizm bilan zararlangandan so`ng ushbu harbiy bazaga yuboriladi. Kitobda “Uxan-400” virusi haqida ham so`z boradi. Ushbu virus ideal biologik qurol hisoblanib, faqat odamlarga ta`sir qiladi.
Nafaqat Din Kuns, balki yana bir nechta yozuvchilar ham xavfli virus haqida kitob yozishgan. Masalan, 2008 yilda amerikalik yozuvchi Silviya Braun “Kunlarning oxiri: Dunyoning oxiri haqidagi bashoratlar va taxminlar“ nomli kitobini nashr etadi. Unda yozuvchi butun dunyo bo`ylab tarqaladigan virus haqida so`z ketgan.