2015 yilda Qozog`iston va Turkmaniston o`rtasidagi neytral zonada Rossiyada ishlab chiqarilgan 150 ga yaqin mashinalar tuzoqqa tushgan edi. Ushbu 100 dan ortiq mashinalar cho`lda 5 yildan beri turibdi, deb xabar bermoqda Sof.uz internet manbalarga tayangan holda.
Mashinalar turargohi tarixi
2015 yil bahorida Turkmaniston rasmiylari havo yostig`i (Airbag) bilan jihozlanmagan mashinalarni olib kirishni kutilmaganda taqiqlab qo`yishdi. Boz ustiga, ba`zi tadbirkorlar bu muammo haqida Qozog`iston chegarasini kesib o`tgandan so`ng bilib qoldilar.
Natijada, ular qiyin vaziyatga tushib qolishdi va yangi qonun tufayli ularga Turkmanistonga kirish huquqi berilmadi. Turkmaniston bojxonasining muhri bo`lmagani uchun ular Qozog`istonga ham qaytib o`ta olmadilar. 150 dan ortiq jumladan, Ladaning 7-modeli, Niva va Samara avtomobillari cho`lda tuzoqqa tushib qolib ketdi.
Ushbu mashinalarni buyurtma qilgan odamlar esa bir necha hafta davomida chegarada turib ilojsizlikdan cho`lning o`rtasida mashinalarni qoldirib ketishga majbur bo`lishdi.
Bu vaqt oralig`ida "tashabbuskor" turkman aholisi tomonidan mashinalar qisman demontaj qilindi. Ushbu holat yuzasidan Qozog`iston tashvishga tushib, mashina egalariga Rossiyada ularni sotish uchun tranzit hujjatlarini berishga qaror qildi.
Ammo avtomobillar qisman demontaj qilinganligi sababli, bu g`oyani amalga oshirish qiyin bo`ldi. Shu sababli, asta-sekin axlatxonaga aylanadigan nochor turargoh joyi bo`lib qolmoqda.