"Xiva 2020 Turk dunyosi madaniyati poytaxti" yili munosabati bilan TURKSOY xalqaro tashkiloti hamda O`zbekiston Respublikasi Madaniyat vazirligi hamkorligida 30-31 mart kunlari Xiva shahrida katta tadbir o`tkazilmoqda.
“Xiva 2020 yilda turkiy dunyo madaniyati poytaxti” yilining tantanali ochilish marosimi Xiva shahridagi "Ichan-qal`a" muzey qo`riqxonasi va Nurillaboy saroyi majmuasida o`tkazilishi rejalashtirilgan. Tadbirda ishtirok etish uchun YuNESKO, AYSESKO, MDH, ShHT kabi xalqaro tashkilotlari vakillari, olimlar, ilmiy-tadqiqot markazlari rahbarlarining ishtirok etishi kutilmoqda.
Shuningdek, O`zbekiston va xorijiy san`atkorlar ishtirokida konsert dasturi, namoyish etiladi.
Shu bilan birga, mehmonlar folklor, xalq ijodiyoti namunalari va milliy hunarmadchiligimiz hamda milliy taomlardan bahramand bo`lishadi.