Bugun Madaniyat vazirligi tomonidan 8 mart - Xalqaro xotin-qizlar bayrami kuni munosabati bilan Toshkent viloyati, Zangiota tumani 21-sonli ayollar umumiy tartibdagi koloniyasida bayram tadbiri tashkil etildi.
Ushbu bayram tadbiri o`z jazo muddatini o`tayotgan ayollarga bayramona zavq ulashish, qalblarida ertangi kunga umid uyg`otish, kelgusi hayotlarini ezgu amallar bilan davom ettirishga ruhlantirish maqsadida tashkil etildi. O`zbek Milliy akademik drama teatrining “Qirmizi olma” spektakli namoyishi, el sevgan aktyorlarning mahoratli ijrolari ayollarga manzur bo`lgani ularning olqishlaridan yaqqol sezilib turdi. Mahkumalarni tabriklash uchun so`zga chiqqan Madaniyat vaziri Ozodbek Nazarbekov jumladan shunday dedi:
– Sizning o`rningiz oilada, farzandlaringiz yonida, bu joydan ketgach, hech qachon qaytgulik qilmasin, hamisha ezgu maqsadlar va orzular bilan yashang. Xabaringiz bor, kecha prezidentimiz 83 nafar ayolga amnistiya e`lon qildilar. Hech qachon umidingizni uzmang. Bayramlarni bundan keyin faqat o`z uyingizda, oilangiz bag`rida nishonlash nasib etsin. Bayramingiz muborak bo`lsin!
Madaniyat vaziri ayollarni tabriklar ekan ularga imkon qadar har bayramda ularga konert-tadbirlar tashkillashtirishga so`z berdi.
- Qaysi san`atkor bilan uchrashish, qaysispektaklni tomosha qilish istagingiz bo`lsa, bemalol aytishingiz mumkin. Bayramlarda ularni taklif etishga tayyormiz, - dedi Madaniyat vaziri Ozodbek Nazarbekov.
Spektakldan so`ng, xonanda Feruza Jumaniyozova o`zining sho`x qo`shiqlari bilan mahkumalarning ko`nglini shod etdi.
21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...29.09.2023, 00:10
Bugun, 28 sentyabr kuni soat 02:43 da Toshkent shahar Sergeli tumani "Quruvchilar" dahasida joylashgan omborxonalarning birida kuchli chaqnash oqibatida yong`in sodir bo`lgani haqida xabar bergan...05.12.2022, 20:26
"O`zgidromet" bashorat qilganidek, O`zbekistonga qish 1 dekabrdan kirib keldi. Dam olish kunlari respublikada havo harorati keskin tushib, Nukusda -17 darajani, kuni kecha Navoiy viloyatida esa...