Kecha, 6-mart kuni Qozog`istonning Pavlodar viloyati hududida Novosibirsk-Toshkent yo`nalishi bo`ylab harakatlanayotgan avtobus halokatga uchragan. OAVda tarqalgan ushbu xabarni O`zbekistonning Nur-Sulton shahridagi Elchixonasi konsullik bo`limi tasdiqladi.
Tekshiruvlardan so`ng, voqea joyiga kelgan Qozog`istonning tegishli xizmatlari tomonidan avtobusda bo`lgan 28 kishi, shu jumladan 26 nafar O`zbekiston fuqarolari kasalxonaga yotqizishga muhtoj emasliklari aniqlandi. Avtobus yo`lovchilari o`z safarlarini boshqa transport vositasida davom ettirdilar.
Vaziyat Elchixona Konsullik bo`limi nazorati ostida.
Tashqi ishlar vazirligining Konsullik-huquq departamenti yana bir bor O`zbekiston fuqarolarining e`tiborini sovuq mavsumda avtobus yoki boshqa avtotransport vositalarida Qozog`iston hududiga kirish yoki undan o`tishda barcha xatarlarni inobatga olish va tegishli choralarni ko`rish zarurligiga qaratadi.
Qozog`istonda bo`lib turgan, shu jumladan tranzit orqali o`tayotgan O`zbekiston fuqarolari zarur hollarda Nur-Sulton shahridagi O`zbekiston Elchixonasi (Nur-Sulton shahri, Akmola, Shimoliy Qozog`iston, Pavlodar, Kostanay va Qarag`anda viloyatlari, tel .: + 7-717-295-45-87, + 7-777-218-20-10 (Telegram, Whatsapp, Imo); Aktau shahridagi Bosh konsulxona (Aqto`be, Atirau, G`arbiy Qozog`iston va Mangistau viloyatlari, tel.: + 7-29-277-71-17, + 7-777-599-00-50, + 7-777-599-00-51); Olmaota shahridagi Bosh konsulxonaga (Olmaota sh., Chimkent sh., Olmaota, Sharqiy Qozog`iston, Jambil, Qizilo`rda va Turkiston viloyatlari, tel.: + 7-727-299-20-70, + 7-727-390-26-16) murojaat qilishlari mumkinligini eslatadi
