Bugun – 9 mart kuni O`zbekiston Yozuvchilar uyushmasi a`zosi, shoir, O`zbekistonda xizmat ko`rsatgan madaniyat xodimi Azim Suyun olamdan o`tdi. Bu haqda O`zbekiston Yozuvchilar uyushmasi axborot xizmati xabar qildi.
Ma`lumot o`rnida:
Azim Suyun 1948 yil 22 fevralda Samarqand viloyati Nurota tizma tog`lari etagiga joylashgan Quduqcha qishlog`ida tug`ilgan. Nakurt qishlog`ida Suyun bobosi tarbiyasida o`sib, ulg`aydi. Uning otasi Olim savodxon bo`lganiga qaramay, «quloq»ning` o`g`li bo`lgani uchun qo`liga cho`ponlik tayog`ini olishga majbur bo`lgan. Jurnalistika fakultetini bitirgan. G`afur G`ulom nomidagi Adabiyot va san`at nashriyoti, O`zbekiston Davlat matbuot qo`mitasi, O`zbekiston Yozuvchilar uyushmasi, «Xalq so`zi», «O`zbekiston ovozi» gazetalarida «Guliston» jurnalida faoliyat yuritgan.
O`zbekiston Respublikasi Oliy Majlisi noibi va Jahon Madaniyat va san`at akademiyasi a`zosi edi.
Shu paytgacha o`zbek tilida nashr etilgan to`plamlari:
1. «Mening osmonim» - 1978.
2. «Zarb» - 1979.
3. «Zamin taqdiri» - 1981.
4. «Xayolot» - 1984.
5. «Ziyo yo`li» - 1986.
6. «Jazo» - 1987.
7. «Olis tonglar» - 1989.
8. «Kuyganim - suyganim» - 1994.
9. «Qora ko`zing sening» - 1994.
10. «Sarbadorlar» - 1994. »
Uyushma jamoasi nomidan u kishining oilasi va yaqinlariga ta`ziya bildiramiz.