IIV YHXBB Axborot xizmati Navoiy viloyati tomon yo`lga chiqqan haydovchilar uchun muhim xabarni e`lon qildi.
“Haydovchilik guvohnomasini olib, transport vositasini boshqarib, uzoq bir manzil sari otlanib yo`lga tushganingizda, bir nuqtaga termulib, haydovchi bo`lish, yo`lovchilar hayotiga javobgar bo`lish nima ekanligini to`liq anglab etasiz. Hozirgi vaqtda uzoq masofaga qatnovchi yoki charchoq holatida transport vositasini boshqarishga majbur bo`lgan haydovchilar uchun Navoiy viloyati hududiga kiruvchi "Samarqand" muntazam YPX maskanida, tungi vaqtda haydovchining uxlab qolishi natijasida sodir bo`lishi mumkin bo`lgan yo`l-transport hodisalarini oldini olish maqsadida tashkil etilgan kofe-breyk kelgusida albatta o`z samarasini ko`rsatadi. Siz ham haydovchimisiz? Navoiy viloyati tomon yo`lga otlandingizmi? Viloyat hududidagi “Samarqand” YPX maskanida to`xtang va kofe ichib charchog`ingizni chiqaring”, — deyiladi xabarda.
