Toshkent viloyati Yangiyo`l tumanida o`z joniga qasd qilish holati aniqlandi. Bu haqda "darakchi.uz"ga Bosh prokuratura Matbuot xizmati ma`lum qildi.
Keltirilishicha, 2019 yil 10 mart kuni Yangiyo`l tumani Madaniyat mahallasida yashagan, 2002 yilda yilda tug`ilgan, voyaga etmagan qiz o`z uyining issiqxonasi to`siniga o`zini o`zi osib joniga qasd qilib vafot etgan. Ayni paytda Yangiyo`l tuman prokuraturasi tomonidan ushbu holat yuzasidan tergovga qadar tekshiruv harakatlari olib borilmoqda.
Yangiyo`l tuman sud tibbiyot ekspertizasining dastlabki ma`lumotnomasiga ko`ra, uning o`limiga buyin a`zolarini sirtmoq bilan siqilishi natijasida kelib chiqqan mexanik asfiksiya sabab bo`lgan.
Voyaga etmagan qiz o`z joniga qasd qilganligi holati yuzasidan Yangiyo`l tuman xalq ta`limi bo`limi, voyaga etmaganlar ishlari bo`yicha Yangiyo`l tuman idoralararo komissiya, mahalla va oilani qo`llab-quvvatlash bo`limiga xizmat tekshiruvlari tayinlangan.
Tergovga qadar tekshiruv harakatlari davom ettirilmoqda, deyiladi taqdim etilgan xabarda.
