AOKA huzurida tashkil etilgan shtabda Ichki ishlar vaziri matbuot kotibi Shoxruh G`iyosov ishtirokida brifing o`tkazildi. Unda fuqarolar tomonidan eng ko`p beriladigan savollarga javob qaytarildi.
Savol: Nima uchun tibbiyot muassasalarida telefon vositalari olib qo`yilmoqda?
Javob: Karantin o`rnatilgan joylarda xavfsizlikni ta`minlash ishlari yolg`on axborotlar tarqatish, aholida vahima kayfiyatini uyg`otuvchi materiallar tarqalishining oldini olishni ham o`z ichiga oladi. Koronavirusga chalingan bemorlarni davolovchi vrachlardan telefon apparatlarining olib qo`yilishi ana shu holat bilan ham bog`liq.
Biroq tibbiyot xodimlari oilasi, yaqinlari bilan muloqotda bo`lishi uchun muassasada faoliyat ko`rsatib turgan telefon vositalaridan foydalanishi mumkin.