АОКА ҳузурида ташкил этилган штабда Ички ишлар вазири матбуот котиби Шохруҳ Ғиёсов иштирокида брифинг ўтказилди. Унда фуқаролар томонидан энг кўп бериладиган саволларга жавоб қайтарилди.
Савол: Нима учун тиббиёт муассасаларида телефон воситалари олиб қўйилмоқда?
Жавоб: Карантин ўрнатилган жойларда хавфсизликни таъминлаш ишлари ёлғон ахборотлар тарқатиш, аҳолида ваҳима кайфиятини уйғотувчи материаллар тарқалишининг олдини олишни ҳам ўз ичига олади. Коронавирусга чалинган беморларни даволовчи врачлардан телефон аппаратларининг олиб қўйилиши ана шу ҳолат билан ҳам боғлиқ.
Бироқ тиббиёт ходимлари оиласи, яқинлари билан мулоқотда бўлиши учун муассасада фаолият кўрсатиб турган телефон воситаларидан фойдаланиши мумкин.
