Shu yilning 6 aprel kuni Surxondaryo viloyatining Termiz shahrida kech soat 21.00 atrofida noma`lum shaxs At-Termiziy ko`chasida joylashgan do`kon oldida qarovsiz qoldirilgan Yu.Ochilovga tegishli “Matiz” rusmli avtomashinasini haydab qochgan.
Ichki ishlar idoralari hodimlari tomonidan ko`rilgan choralar natijasida, avtomashina Toxariston ko`chasi bo`ylab oqib o`tuvchi ariqdan topilgan. Ushbu jinoyatni esa Termiz shahrida yashovchi 1974 yilda tug`ilgan shaxs sodir etganligi aniqlandi va ular qo`lga olindi, deya xabar beradi O`zbekiston Respublikasi IIV matbuot xizmati.
Mazkur holat yuzasidan dastlabki tergovoldi harakatlari olib borilmoqda.