Sog`liqni saqlash vazirligi axborot xizmatining ma`lum qilishicha, 2020 yil 7 aprel soat 17:00 holatiga ko`ra Qoraqalpog`iston Respublikasida koronaviruska chalingan bemorlar soni 16 nafarni tashkil etmoqda.
Hozirda kasallanganlar Respublika yuqumli kasalliklar shifoxonasida davolanmoqda. Ularning ahvoli o`rtacha darajada. Epidemiologik tekshirish ishlari davom etmoqda.
Fursatdan foydalanib, yurtdoshlarimizga – shunday qiyin va ma`suliyatli kunlarda shifokorlar talablariga va sanitariya-epidemiologik osoyishtalik tartiblariga amal qilish juda muhim va shart ekanini yana bir bor eslatamiz.
Tartib kuchaytirilgan davrda ko`chada yurgandan ko`ra, uyda qolish o`ta muhim. Bu bilan o`zingizni, shuningdek, oilangizni, yurtimizni va jamiyatimizni koronavirus balosidan asrashga o`z hissangizni qo`shgan bo`lasiz.
Bundan avval, Qoraqalpog`istonda kasallanganlar virusni qaerdan yuqtirib olgani haqida ma`lumot berilgan edi.
Eslatib o`tamiz, ayni paytda, O`zbekistonda koronavirusga chalinganlar soni 504 nafarni tashkil etmoqda.
27 mart kuni koronavirus bilan kasallangan namanganlik 72 yoshli ayol vafot etdi.
28 mart kuni esa 1 nafar bemor (erkak)da o`lim holati qayd etildi.
Bugungi kungacha esa 30 nafar bemor butunlay tuzalgan. So`nggi ma`lumotlarga ko`ra, bemorlarning 9 nafari og`ir ahvolda, ikki nafari sun`iy nafas olish apparatiga ulangan.
Ma`lumot uchun: Jiddiy karantin choralari belgilanganiga qaramasdan nega zararlanish holati oshib borayotgani to`g`risida Nurmat Otabekov izoh bergan edi.
