O`tgan dam olish kunlari o`g`rilar zargarlik buyumlari do`koniga kirishdi va 300 ga yaqin sandiqchalarni qoqlab ketishdi. Ularning eng katta o`ljasi 500 ming funt-sterling qiymatidagi moviy olmos bo`ldi. Xeton-gardenjda bunday olamshumul o`g`irlikning sodir etilishi hech kimning xayoliga kelmagandi. Bu erdagi qimmatbaho taqinchoqlar o`ta ehtiyotkorlik bilan qo`riqlanar, hamma sandiqlar er ostida joylashtirilgan edi. Bu erga kirish yo`li bitta bo`lib, u ham o`ta mustahkam muhofaza etilardi.
Mijozlar seyf sandiqchalarini faqat begim kunlari ocha olishar, dam olish kunlari depozitariy butunlay yopilardi. Biroq, Pasxa kunlari arafasida bu omborxona ari uyasidek g`uvillab qoldi. Professional o`g`rilar ana shunday kunlarni bejiz ko`z ostiga olishmagandi. “Professor Moritarti” laqabli kimsa boshchiligidagi bu to`da o`g`irlik rejasini o`ta puxta tuzib chiqqandi.
Ularning izidan chopish polisiya uchun oson bo`lmasligi aniq. Ayni paytda bu ishga Skotlend-Yardning eng mohir izquvarlari jalb qilingan.
U iz qoldirmaydi
O`g`irlik tashkilotchisi London maxfiy o`g`rilarining rahbari bo`lib. Uni olmoslar qiroli deb atashadi. U 2007 yilda “Graff”zargarlik do`koniga o`g`irlikka tushayotgan tasodifan kuzatuv kameralarga tushib qolgandi. U bu do`kondan o`z sheriklari bilan birgalikda 13 mln funt-sterling miqdoridagi qimmatbaho taqinchoqlarni o`g`irlab ketishgan. Sifatsiz tasvirlarda uning shlyapa soyasidagi aksi arang ko`ringan. U taxminan 40 yoshlarda. Ammo, uning haqiqiy ismini hech kim bilmaydi. Agar bu o`g`irlikka Olmoslar qiroli ham aralashilb qolga bo`lsa, u bir o`zi bo`lmagan, unga sheriklari yordam bergan. Videoqurilmada yaxshilab niqoblangan olti kishining aksi muhrlangan. Izquvarlar tasvirdagi odamlarning kiyimlari va poyafzalidan ularning kimligini bilishmoqchi.
Arzonning ortilan quvmaganida...
Devorni teshib kirishda o`g`rilarga 35 kilogram hajmdagi “Xilti” parmasi yordam bergan. Undan kabellar va havo almashtirish tizimlarini birlashtirishjda foydalanilgan. Mahsulotning tovar belgilari haqidagi ma`lumotlar o`chirib tashlangan. Gangsterlarga asosiy ish ham qiyinchilik tug`dirmadi. Depozitariy qo`riqlash tizimini ham bir pasda falajlashdi. Bank rahbari pulni tejash maqsadida arzon signalizasiya tizimini o`rnatgan ekan.
Talonchilik pasxa bayrami kirishidan bir necha daqiqa oldin boshlangan. Seyflar joylashgan erto`laga o`g`rilar lift shaxtasi orqali kirishgan. Ular ishni bitirib bo`lgach, ertalab soat sakkizga chqin binoni tark etishgan. O`lja o`g`iralrga kam ko`ringanmi, o`sha kuni kechasi jinoiy guruhning yana uch a`zosi voqea joyiga kelishgan. Kuzatuv kameralari xotirasiga o`g`rilarning butun o`ljani g`ildirakli axlat qutisiga to`ldirib, tortib ketgani aks etgan.
O`g`rini qaroqchi urdi
Polisiya ma`lumotlariga ko`ra, o`g`rilar 72 seyfni ship-shiydam qilishgan. O`g`irlangan mollarning narxi turli taxminlarga ko`ra 60 milliondan 200 milliongacha funt-sterlingni tashkil etadi. Ayrim omonatchilar o`z omonatlarining haqiqiy narxini aytishmayapti. O`g`rilar polga to`kilib qolgan maydachuyda olmoslarni terib ham o`itirshmagan. Qizig`i shundaki, bu o`g`irlikdlan jabr ko`rganlar orasida Adams jinoyatchilar oilasi ham bor. Aytishlaricha, aka-uka Terri va Tommi Adams reket, giyohvand moddalar savdosi va firibsharlik bilan shug`ullanib kelishgan. Bu o`g`irlik natijasida ular butun boyligidan ayrilgan.
O`rnini to`ldirib bo`lmaydi
Britaniyalik ekkspertlarning aytishicha, yo`qolgan bu qimmatbaho taqinchoqlarning loaqal birortasini ham qaytarilishiga umid juda oz. Bu o`ljalar allaqachon kontrabanda yo`li bilan mamlakat tashqarisiga olib chiqib ketilgan. O`g`irlangan olmoslar tez orada qayta ishlov berilgach, qirralanib, yana sotuvga chiqariladi. Shunda ularni tanish yanada murakkablashadi. Ehtimol, tez orada Evropa butiklarida nisbatan arzon olmoslar chiqib qolar?
Asliddin KALANOV tayyorladi.