Rossiyada shifokorlar koronavirusni davolash uchun ishga chiqishdan bosh tortmoqda

Rossiyaning birgina Kaliningrad hududida 350 nafar shifokor koronavirusga chalinganlarni davolash uchun ishga chiqishdan bosh tortdi. Bu haqda manbalarga tayanib Xabar ma`lum qildi.

Hudud sog`liqni saqlash vaziri Aleksandr Kravchenkoning aytishicha, 100 nafar shifokor va 250 nafar o`rta tibbiy bo`g`im mutaxassislari ishdan voz kechdi. Uning so`zlariga ko`ra, Kaliningrad hali koronavirus infeksiyasi tarqalmay turib muammolarga ega bo`lgan. Ayni vaqtda esa har bir shifoxonada koronavirusga chalingan shifokorlar mavjud.

Eslatib o`tamiz, ayni vaqtga qadar Rossiyada koronavirus infeksiyasidan 70 shifokor vafot edi. Epidemiolog Nikolay Brikoning tasdiqlashicha, kasallikka chalinayotgan shifokorlar soni kun o`tgani sari oshib bormoqda. Kechaning o`zida Rossiyada 10581 kishida koronavirus aniqlangan.