my5
all

Sergelida istirohat bog`i yaratildi. Prezident bilan birga virtual sayohat qiling (foto)

Jamiyat 30.05.2020, 07:16
588
Sergelida istirohat bog`i yaratildi. Prezident bilan birga virtual sayohat qiling (foto)

Prezident Shavkat Mirziyoev poytaxtimizning Sergeli tumanida barpo etilgan ekoparkni borib ko`rdi. Bu haqda Prezident Matbuot xizmati ma`lum qildi.

Davlatimiz rahbari o`tgan yili 21 mayda Uchtepa tumaniga tashrifi chog`ida Toshkent shahri tumanlarida istirohat bog`lari tashkil etib, aholining dam olishi uchun sharoitlarni kengaytirish bo`yicha topshiriq bergan edi. 

Shunga muvofiq, Sergeli tumanida umumiy maydoni 10 gektar bo`lgan «Flowers Garden Park» tashkil etildi. Shundan 5 gektari bog`, 5 gektari gul sotish markazidir.

Boqqa yirik gulli magnoliya, fotiniya frazeri, qora sosna, igna bargli archa, “Krimson king” chinori kabi 30 turdagi 6 mingdan ziyod manzarali daraxt va 20 turdagi 60 mingdan ziyod buta olib kelib ekilgan. Aholining ko`ngilli hordiq chiqarishi uchun restoran, savdo shoxobchalari tashkil etilgan.

Turkiyaning “Natural Peyzaj” shirkati bilan hamkorlikda bunyod etilgan bog`da 200 ta ish o`rni yaratilgan. Malakali agronom va entomologlar jalb etilgan. 

Davlatimiz rahbari bog`da yaratilgan sharoitlar bilan tanishdi, manzarali daraxtlar va gul do`konlarini ko`zdan kechirdi.

Шарҳлар