Yaqinda Nobel qo`mitasi kotibi Geyr Lundestad “Dunyo kotibi” nomi ostida memuar kitobini sotuvga chiqardi.
Unda keltirilgan ayrim ma`lumotlar keng jamoatchilik e`tiborini tortdi. Lundestad o`z kitobida so`nggi 25 yil ichida mukofot nima evaziga topshirilayotgaini bayon etdi. Nobel mukofoti qo`mitasining ta`kidlashicha, u 50 yil ichida ommaga oshkor etilishi mumkitn bo`lmagan sirlarni o`z kitobida oshkor qilib, qshmita qonun-qoidalarini qo`pol ravishda buzgan.
Lundestad qo`mitada 1990 yildan 2015 yilgacha faoliyat yuritgan. Chet el OAVlarining xabar berishicha, Lundestad mukofotga tavsiya etilgan nomzodlarni saralash yig`inlarida ishtirok etgan, ammo ovoz berish huquqiga ega bo`lmagan. Qo`mita sobiq xodimi Lundestad o`z navbatida qo`mita qonun-qoidalarini hurmat qilishini, ammo dunyoga mashhur bu mukofot haqida insonlar ko`proq ma`lumotga ega bo`lishlarini istashini aytdi. Bundan tashqari, kitob muallifi nima sababdan bironta Rim Papasi bu nufuzli mukofotga loyiq deb topilmagani sababini ham oshkor etdi. Uning aytishicha, qo`mita hakamlar hay`ati a`zosi Gunnar Staalsett Rim papalarini yoqtirmagan, shu sababli ham bironta Rim Papasi bu mukofotni olmagan.