Avval xabar qilganimizdek, Qozog`istonning birinchi Prezidenti Nursulton Nazarboev koronavirusga chalindi. O`zbekiston PRezidenti Shavkat Mirziyoev Elboshiga sog`ik tilab, maktub yo`lladi:
"Respublikasi Birinchi Prezidenti – Elboshi Nursulton Nazarboev Janobi Oliylariga
Muhtaram Nursulton Abishevich!
Sizning koronavirus kasalligiga chalinganingiz to`g`risidagi xabarni chuqur bezovtalik va katta xavotir bilan qabul qildim.
Hayotingizdagi ushbu sinovli va murakkab paytlarda biz uchun hamisha cheksiz ehtiromga sazovor bo`lib kelgan Siz, aziz og`amni har tomonlama qo`llab-quvvatlashga tayyorligimni va yaqin ko`makdosh ekanligimni yana bir bor chin qalbdan ma`lum etmoqchiman.
Hech shubhasiz, qisqa fursatlarda mazkur virusni muvaffaqiyatli engib o`tib, shifo topishingizga va tuzalib ketishingizga ishonchim komildir.
Qadrli Nursulton Abishevich, Sizga Qodir Allohdan mustahkam sihat-salomatlik, kuch-quvvat, uzoq umr va yangi zafarlar ato qilishini so`rab qolaman.
Tez orada Siz bilan diydor ko`rishish baxtiga muyassarlik nasib etishiga umid qilaman.
Hurmat bilan,
O`zbekiston Respublikasi Prezidenti
Shavkat Mirziyoev".